Hoping for the best ukon maayo nga pagdumala sang Department of Education ang ginapaabot sang grupo sang mga manunudlo sa Bacolod sa pagpungko ni presumptive vice president Sara Duterte bilang secretary sang DepEd.
Ini ang kasunod sang announcement ni presumptive president Bongbong Marcos kagab-i nga nagpasugot si Duterte sa iya tanyag nga mangin secretary sang DepEd.
Sa interview sang Bombo Radyo kay Richard Gelangre, presidente sang Bacolod City Public School Teachers Federation, nagahulat lang ang mga manunudlo sa plano sang masunod nga administrasyon kag magasunod man ang mga maestra kag maestro.
Suno kay Gelangre, the best ang ginalauman nila sa presidential daughter ilabi na bataon kag strong woman si Mayor Sara.
Ginapaabot man sang mga ini ang reforms sa DepEd nga para sa kaayuhan sang mga manunudlo bangud kinaandan na nga reklamo sang mga maestra ang pagliwat sang mga ginapatuman nga programa apang indi man ini ang husto nga reform.
Suno kay Gelangre, nagalaom sila nga ipatuman ang matuod nga nationalism bangud ini ang kulang sa subong nga educational system.
Suno diri, mas maayo gid kun independent ang Pilipinas.
