Gina-amat amat na sikop sang Department of Social Services & Development sa ciudad sang Bacolod ang mga may deperensya sa paminsaron nga nagalibot sa ciudad sang Bacolod kalakip na ang mga Badjao.
Sa interview sang Bombo Radyo Bacolod kay DSSD Head Alma Gustilo, may yara sang mga Public Order and Safety Office (POSO) guard ang nagabulig sa personnel sang DSSD agud nga matipon ang mga mendicants ilabi na ang may mga deperensya sa paminsaron.
Nagcoordinate naman ang DSSD sa city government particular na sa Bacolod City Health Office agud nga mabutangan sang slot ang mga natipon nga mga mentally challenge nga nagalagaw sa ciudad sang Bacolod agud nga ang mga ini ang mabuligan man.
Ang ciudad ang may yara sang Bacolod Mental Health Center nga nahamtang sa Purok Paglaum, Barangay Mansilingan, Bacolod City.
Ginpahayag sang DSSD nga ang mga police ang mahimo magcoordinate sa ila kun may yara sang gindangop sa ila agud nga mafacilitate man sang mga ini kag makuha.
Samtang, Suno kay Gustilo, ang mga nagaliho-liho nga mga indibidwal ang ginamonitor naman sang Anti Mendicancy Task Force kag ginakuhaan sang data kag kun ang mga ini ang nagikan sa ciudad sang Bacolod, gina-abisuhan nga magpauli sa ila puluy-an.
Samtang, kun indi ang DSSD ang nagahimo sang paagi agud mapabalik sa lugar nga ila ginhalinan.
Nagpanawagan man ini sa mga pumuluyo nga kun may yara sang makita nga mga Badjao, mga nagaliho-liho kag mga mentally challenge nga nagalibot sa ciudad ang mahimo lamang magreport sa DSSD.
