Wala sang maga-withdraw sang kandidatura sa mga magapadalagan bilang alkalde sa ciudad sang Kabankalan sa maabot nga 2025 midterm elections.
Sa interview kay former Negros Occidental 6th District Congressman Genaro Lim-ao Alvarez, ginpahayag sini nga bisan ang iya kabataan ang wala nakahibalo nga siya ang magapapili.
Madumduman nga ginkakibot sang kadam-an ang pag-file ni anay vice governor Alvarez sang certificate of candidacy sa pagka-alkalde sang Kabankalan City.
Ginpatpat man sini ang iya nga mga plano sa tion nga magdaog ini bilang alkalde.
Gin-ako man ni Alvarez nga iya kaalyado si Alice Zayco-Gomez nga nag-file coc para sa pag ka bise-alkalde.
Si Alice ang bata ni anay Mayor Pedro Zayco kag hinablos ni mayoralty candidate Isidro Zayco.
Kalakip sa pila niya ka mga program kun mangin mapalaron sa 2025 elections amo ang pagpatukod sang coliseum, pagpahuman sang airport sa Kabankalan City kag pagpatukod sang 3-storey nga merkado.
Suno kay Alvarez, may napulo naman ka mga punong barangay nga yara sa slate sini nga magpapili bilang konsehal sang ciudad.
Panugyan naman sini sa iya nga makasumpong sa mayoralty race nga mangin sport lamang.
Suno pa kay Alvarez, nakasugilanon man siya kay mayoralty candidate Zayco kag ginhambalan nga indi na sila maghabuyanay pa sang issue nga makapalain sa tagsa-tagsa.
Dugang pa sini, nakasugilanon naman sini si Mayor Benjie Miranda kag inkaso nga indi magdaog si Miranda kag asawa sini sa palaabuton nga eleksyon iya sila pagatanyagan sang trabaho.
