Ginpahayag ni US President Donald Trump nga bukas ini nga pahanugutan nga mapabilin sa Amerika ang mga migrant workers kun sila ang pagabatunon sang mga Amerikano nga mangunguma.
Suno kay Trump, nakighinun-anon ini sa Department of Homeland Security (DHS) agud marespondehan ang mga kinahanglanon sang mga mangunguma sa seasonal labor.
Preparado man ini nga makig-angot sa hotel industry kaangot sa issue.
Ini kasunod sang hugot nga pagsulundan sang iya administrasyon sa illegal migration sa pagpanguna ni Homeland Security Secretary Kristi Noem, nga aktibo nga nagaduso sang deportation para sa illegal migrants.
Nagpabutyag sang kahangawa ang mga mangunguma nga posible maapektuhan ang ila harvest bangud sa kakulang sang trabahante.
Gani suno kay Trump, kun willing ang isa ka mangunguma nga batunon ang mga migrant workers, wala sang problema.
