akagwa ang mga ginpang-aresto nga katapo sang transport group matapos magtuga sang tensyon sa dalan Lacson, kahapon, Setyembre 18 kun sila ang makapiyansa.
Sa interview sang Bombo Radyo kay Bacolod City Police Office Director Police Col. Joeresty Coronica, ginhingagaw sang mga kapulisan ang mga papeles agud nga mapasaka ang kaso batok sa anum ka katapo sang transport group nga gin-aresto kahapon.
Suno kay Coronica kun makapiyansa ang mga ini, mahimo sila makagwa.
Nakadepende naman sa mga gindakop kun san-o ang mga ini magpiyansa.
Samtang ang mga kapulisan nga nagkalasamaran ang nadapatan naman sang nagakaigo nga pagbulong.
Liwat nga nagpanugyan ang city director nga may yara sang layi nga Batas Pambansa No. 880 kun sa diin nakasaad nga kun luyag nga magpatigayon sang rally ukon protesta, dapat magsecure sang permit nagikan sa Local Government Unit kun ini ang patigayunon sa indi designated nga freedom park.
