Gin-anunsyar na sang Malacañang kun sin-o ang mga miyembro sang Independent Commission for Infrastructure.
Sa Press Conference ni Palace Press Officer Undersecretary Atty. Claire Castro, ang mga miyembro sang ICI amo sansay former Department of Public Works and Highways (DPWH) Secretary Rogelio “Babes” Singson kag SGV Country Managing Partner Rossana Fajardo.
Samtang si Baguio City Mayor Benjamin Magalong naman ang magaserbe bilang special adviser sang panel.
Ang ICI maga-imbestigar sa flood control kag infrastructure projects humalin sang napulo ka tuig na ang nakaligad.
Suno kay Castro, dako ang papel ni Singson bilang anay DPWH Secretary nga nakahimo sang dako nga reporma sa ahensya.
Subong man ni Fajardo nga isa ka certified public accountant kag may tatlo ka dekada na nga experience sa financial system kag operational services partikular na sa fraud detection.
Ang experience ni Magalong bilang anay director sang Criminal Investigation and Detection Group (CIDG) ang dako man nga asset bilang special adviser.
Pasalig ni Castro nga ang mga gin-appoint nga personalidad ang wala sang kaangtanan sa mga subject sang imbestigasyon.
Dugang pa sini nga wala sang paboran sa imbestigasyon bisan pa pamilya, abyan ukon kaalyado.
Samtang ang ang mangin chairman sang Independent Commission for Infrastructure ang iga-anunsyar naman mismo ni President Ferdinand “Bongbong” Marcos Jr. sa masunod nga mga inadlaw.
