Wala na sang may nagcomplaint sa Bacolod Police Station 10 gikan sa mga miyembro sang LGBTQ+ Community nga nagkarambola sa fiesta sang Brgy Handumanan, Bacolod City alas-2:00 kaina sang kaagahon.
Sa interview sang Bombo Radyo Bacolod kay Police Captain Glenn Montaño, station commander sang Bacolod Police Station 10, sila ang may-ara gid sang gindeploy nga kapulisan sa kapiestahan nga nagsugod sang Lunes kag matapos sa Domingo.
Suno diri, sinuyaay sang magkatuhay nga grupo samtang nagasinaot-saot kag impluwensya sang makahulubog nga ilimnon ang gin-umpisahan ang kinagamo.
Makita sa video nga naglapta sa social media nga ang isa ang ginapulihan sang tatlo.
Apang sang magtambag na ang mga kapulisan, wala naman sila nagpagamo kag nagpalauli na.
Ginlaragway man ini sang station commander nga kaangay sang away sang kabataan.
Suno diri, wala na nila makuhaan sang pangalan ang mga involved bangod wala naman sang nagreklamo kag wala man sang may nag-upod sa Police Station 10.
