Kapin napulo ka gina-alegar katapo sang New People’s Army ang naengkwentro sang 94th Infantry Battalion sang Philippine Army sa Barangay Carol-an, ciudad sang Kabankalan, Negros Occidental.
Sa interview sang Bombo Radyo Bacolod kay Lt. Colonel Van Donald Almonte, commander sang 94IB sang Philippine Army, wala pa ang mga ini sang nabaton nga reports kun may yara sang casualties sa nagluntad nga engkwentro.
Suno kay Almonte, nagapadayon pa ang tropa sang gobyerno sa hot pursuit operation sa mga nagpalagyo nga mga katapo sang rebelde.
Suno diri, nagdugang pa sang pwersa ang 94IB agud nga madasig nga matultulan ang mga nakaengkwentro nga mga armado nga grupo.
Ginpahayag nga nagdugay sang napulo ka minutos ang gindugay sang pagbayluhanay sang lupok sang NPA kag tropa sang gobyerno.
Suno kay Almonte ginalantaw nga katapo sang Central Negros 2 ang naengkwentro sang katapo sang 94th IB.
Suno kay Almonte, nagluntad ang engkwentro bangud sa pagresponde sang tropa sang gobyerno matapos nga makabaton sang impormasyon gikan sa mga pumuluyo nga may yara sang presensya sang armado nga grupo, nga nagapangayo-kayo sa mga residente.
