Ginpahayag ni Bacolod City Mayor Alfredo ‘Albee’ Benitez nga lauman ang mass resignation sang mga miyembro sang Partido Demokratiko Pilipino (PDP) sa probinsya sang Negros Occidental.
Suno kay Benitez, nga amo man ang chairman sang PDP Negros Occidental, kapin 100 ka mga miyembro sang partido lakip na siya ang maga-resign.
Apang, wala pa sang pat-ud nga petsa sa matabo nga mass resignation.
Samtang, paga-istoryahan pa kun sila ang magatukod sang bag-o, ukon masulod sa daan ukon wala na lang sila sang partido.
Suno sa alkalde, magaresign sila sa PDP bangod nga wala na nagasanto ang lakat sang PDP sa kun ano man ang direksyon nila sa karun.
Madumduman nga nakaligad nga bulan, nagresign man ang pila ka mga opsiyal sang ciudad sang Victorias bilang miyembro sang PDP.
Samtang, ginpahayag man ni Benitez nga wala nakalagas sa deadline sa 2025 elections ang Kilusan ng Nagkakaisang Pilipino (KNP) political party kag ginalantaw sini nga ini ang padayunon na lamang sa 2028 elections.
