Ginpahayag ni Bacolod City Councilor Al Victor Espino nga normal lamang bilang isa ka tawo ang emotional outburst nanday Councilor Homer Bais kag Congressman Aflredo “Albee” Benetiz.
Sa interview sang Bombo Radyo kay Espino, ang disappoinment ukon frustration ang indi lamang limitado nga nagakatabo sa isa ka public official kundi sa tanan nga tawo.
Suno sa Konsehal, megohay na sila nga daan ni Cong. Albee antes pa sila nagsulod sa pulitika.
Gani para sa iya, ang pagpangayo sang pasaylo sang Kongresista kay Bais ang kabahin sa karakter sini bilang mapainubuson nga tawo.
Suno kay Espino, ang tanan nga hinimuan ni Cong. Albee ang para sa benepisyo sang tanan nga Bacolodnon.
Ginpahayag sini nga siya ang klase sang tawo nga nagahalin kun indi siya kauyon sa gina-updan nga grupo.
Gani nag-upod siya kanday Cong Albee kag Mayor Greg Gasataya bangud nagapati siya nga ang duha ka lider ang nagarepresentar sa kamaayuhan sang ciudad sa palaabuton.
Ginpahayag man sini nga tanan nga tawo ang may amay kag kun siya ang disiplanahon sang iya amay, wala siya nagasupak.
Ginarespeto man sini ang nangin reaksyon ni Bais apisar nga suno sa iya, ang ginrequest sini nga subject matter ang wala nagtugma sa iya nga privilige speech.
Sa pihak sini, nahangpan niya si Bais kun diin naghalin ang iya nga privilige speech.
Pahayag sini nga dapat mag-move on bangud ang public service kag ang obligasyon para sa ciudad ang dapat nga prayoridad.
