Arestado ang Top 3 kag Top 4 Most Wanted Person city level sa ciudad sang Kabankalan.
Ginkilala ang mga suspetsado nga sanday Roberto Rodriguez Sr., 63 anyos, ginakabig nga Top 4 Most Wanted Person city level kag si Alex Sabico, 24 anyos, ginakabig nga Top 3 Most Wanted Person city level, lunsay mga residente sang Sitio Cadlum, Barangay Camingawan, ciudad sang Kabankalan.
Sa interview sang Bombo Radyo kay Police Captain Sammy Gasataya, Deputy Chief of Police sang Kabankalan City Police station ang duha ang ginserbehan sang warrant of arrest sa Purok Lumboy, Barangay Oriangao, Kabankalan City sa kaso nga murder kag frustrated murder nga ila ginkumiter sang tinalikdan nga Abril 22 sa mag-amay nga manug-uling.
Ginalantaw nga away sa duta ang ginhalinan sang pagpangluthang, kag sila nga duha ang natigayon nga nadakop kahapon kag ang kaso ang wala sang may ginarekomendar nga pyansa.
