Nagapanawagan ang pila ka residente kag motorista sa pagdugang sang drainage system sa bahin sang Bacolod Negros Occidental Economic Highway (BANOCEH) agud mas mapadasig ang pagsaka sang tubig sa tion sang pag-ulan.
Sa interview sang Bombo Radyo Bacolod kay Harold, isa ka motorista kag residente sang Barangay Vista Alegre, ginpahayag sini nga pirmi na ginabaha ang amo nga lugar kag nagapundo ang tubig sa dalan.
Suno pa diri, kun kaisa, indi na makatabok ang mga magagmay nga salakyan bangud sa kadalom sang baha, samtang ang pila ka motorsiklo nagakapatyan makina.
Gani iya ginapanawagan nga ipakay-o ukon dugangan ang drainage agud may maagihan ang tubig kag indi ini magpundo sa dalan.
Suno naman kay Carlito, isa ka tricycle driver, residente sang Abada Escay, Barangay Vista Alegre, bisan gamay lamang ang ulan, madasig ang pagsaka sang tubig bangud wala sang husto nga alagyan ang tubig.
Ginpahayag sini nga kulang ang drainage agud malikawan ang perwisyo sa mga nagaagi sa nasambit nga dalan.
