Nagpatigayon sang malip-ot nga programa ang Muslim community sa syudad sang Bacolod kaina sang aga kadungan sang pagsaulog sang Eid’l Fitr ukon ang feast of breaking the fast subong nga adlaw.
Antes ang programa naghatag ang iban nga mga muslim sa ila ginakulang nga mga kauturan agud indi na ang mga ini magproblema samtang sila ang nagasaulog sang Eid’l Fitr.
Ginpatigayon ang programa kaina sang aga sa Negros Occidental Capitol Lagoon kun sa diin ang mga muslims ang nagdala sang ila mga prayer mats.
Ini man ang una nga kahigayunan nga nagtipon sila matapos ang duha katuig nga wala naselebrar ang Eid’l Fitr bangud sa pandemya.
Bilang paghiwat nag-ihaw man ang mga ini sang kanding kag manok.
Sa ginhiwat nga programa naghatag sang mensahe ang Imam sang Masjid Abubakar nga si Ashley Razul, kun sa diin nagpanugyan ini sa mga muslim nga ipadayunon sa pagpangabuhi ang tanan nga ginatudlo sang ila pagtuluohan.
Ginpahayag man ni Razul nga ang Eid’l Ftr ang tion sang ila pagsinadya.
