Nagpreparar ang mga Muslim sa Bacolod sang masobra 10 ka kanding agud ihalad kadungan sang selebrasyon sang Eid al-Adha subong nga adlaw.
Sa interview sang Bombo Radyo kay Mohammad Salman, presidente sang Abu Bakr Al Siddiq, sila ang magahalad mga sapat kag may ginpreparar ang mga ini nga masobra napulo ka kanding kag pamahaw.
Suno kay Salman, pagkatapos sang ila congregational prayer sa Bacolod Government Center subong nga aga, sila ang magabalik sa ila mosque bangud may yara sang salo-salo kag gamay nga programa para sa mga kabataan.
Kahapon, nag-puasa ang mga ini humalin sunrise tubtob sunset kag subong nga adlaw, sila ang magaselebrar sang Feast of Sacrifice.
Suno diri, kun may ikasarang ang isa ka Muslim, ini ang nagahalad sang kanding, baka, karnero kag kun kaisa camel kag ini ang ginadonate sa ila.
Suno sa iya, dapat nga yara na sa isa ka tuig ang karnero kag kanding nga ihalad; duha ka tuig naman kung baka; kag dapat apat ka tuig kun camel.
Panugyan sini sa iya mga kaangay nga Muslim, ang ila pag-obserbar sang fasting, mga maayo nga binuhatan kag ang pagbulig sa mga nagakinahanglan ang may yara sang dako nga reward gani madamo gid ang nagapractice sini.
