Ginpatpat sang isa ka sumilimba nga Muslim ang ila preparasyon sa Ramadan, nga nagamarka sa ika–siyam sa kalendaryo sang Islam.
Subong nga adlaw Martes, Marso 12, ang umpisa sang fasting ukon puasa sang mga Muslim kadungan sang pag-umpisa sang Ramadan.
Sa interview sang Bombo Radyo Bacolod kay Hernie Javier, subong nga adlaw, nag-umpisa na ang mga Muslim sa pagobserbar sang Ramadan paagi sa “sawm” ukon fasting.
Suno kay Javier ang ila nga pagfasting ang magdangat gid sa isa ka bulan.
Sa ila pagfasting, kinahanglan nga makakaon na antes magbutlak ang adlaw kon fajr bilang preparasyon sa puasa kag liwat makakaon sa tion sang maghrib ukon pagtunod sang adlaw.
Ginpahayag man sini nga ang fasting amo ang test man sang ikasarang sang atun nga kaugalingon nga magsakripisyo.
Suno kay Javier, ang tanan ang ginahimo ni Prophet Mohammed sang ini ang yara pa sa duta.
