Lima na ang narekord sang Negros Occidental Police Provincial Office (NOCPPO) nga naglapas sa Commission on Elections gun ban para sa 2025 Midterm elections humalin sang ginpatuman ini.
Sa interview sang Bombo Radyo Bacolod kay Negros Occidental Police Provincial Office Spokesperson Police Captain Judesses Catalogo, ang mga nagkaladakpan ang bangud man sa ginpatigayon nga police operations kaangay sang drug buybust operations.
Suno kay Catalogo, lima ang nagkaladakpan kun sa diin apat ang narecover bangud sa politice operations samtang ang isa naman ang nakuha sa isa ka traffic accident sa ciudad sang Talisay.
Ang mga nagkaladakpan ang nagikan sa ciudad sang Cadiz, Talisay kag banwa sang Hinigaran.
Suno diri sa ginapatigayon nga 24 hours checkpoint wala pa sang recorded nga nadakpan nga naglapas sa election gun ban.
Samtang sa Bacolod City Police Office, tatlo ang narecord nga election gun violators.
Suno kay Police Capt Ma. Liberty Indiape, spokesperson sang Bacolod City Police Office (BCPO), duha sa tatlo nga nadakpan ang sa bahin sang Bacolod Police Station 6 samtang ang isa naman ang yara sa bahin sang Bacolod Police Station 7.
Suno diri, ang mga nakuha nga armas ang gun replica sang caliber 45 kag may yara man sang sulpak.
Ginpahayag sini nga bisan gun replica lamang, nakasulod ini sagihapon sa gun ban violation santo sa COMELEC resolution.
Ang duha sa tatlo ang nadakpan samtang nagalakat kag natabuan nga may nagapatrolya nga mga kapulisan kag nadiparahan nga may dala ini nga gun replica samtang nakuha naman sa isa ang armas-luthang kasunod sang ginpatigayon nga hot pursuit operation kasunod sang pagpangawat.
Nagpanugyan man si Indiape sa tanan nga magsunod sa ginapatuman nga COMELEC gun ban para sa 2025 midterm elections.
