Mga nadulaan sang kabuhi sa mabaskog nga linog sa Myanmar, nagdangat na sa 2,700

Nagdangat na sa masobra 2,700 ka mga pumuluyo ang nadulaan sang kabuhi matapos ang linog sa Myanmar.

Suno kay Myanmar military ruler Min Aung Hlaing, ang death toll, nga ginalauman nga magalapaw sa 3,000, ang nagdangat na sa karun sa 2,719 kun sa diin 4,521 ang pilason kag 441 ang missing.

Nagakinahanglan naman ang mga pumuluyo sang pagkaon, tubig sang shelter kag nagpaandam nga ang window agud makakita sang survivors ang lapit na lamang nga magsira.

Ang linog, nga nagtay-og sang Biyernes, ang pinakamakusog nga nag-igo sa Southeast Asian country sa sulod sang masobra isa ka century.

Ini ang nakatuga sang halit sa mga ciudad sang Mandalay kag Naypyitaw.