643 nga indibidwal ukon 164 ka mga pamilya ang gin-evacuate sa banwa sang Binalbagan, Negros Occidental, as of 6:00 kahapon.
Sa interview sang Bombo Radyo kay Binalbagan Municipal Social and Development Officer Emma Gavileño, sa Brgy Payao may yara sang 22 ka pamilya ukon 74 ka mga inidbidwal nga gin-evacuate; sa Brgy San Jose may yara sang 24 ka pamilya ukon 64 ka indibidwal; Brgy Marina nga may yara sang 32 ka pamilya ukon 80 ka indibidwal; Brgy Bagroy nga may yara sang 18 ka pamilya ukon 112 ka indibidwal; Brgy Santo Rosario nga may yara sang 17 ka pamilya ukon 51 ka evacuees samtang may yara naman sang 69 ka pamilya ukon 262 ka mga indibdiwal nga nagatinir sa Binalbagan gymnasium.
Suno kay Gavileño ila pa dugangan ang evacuation centers bangod madamo pa sang naga- abot nga mga evacuees.
Preparado naman ang mga ipangatag nga food packs sa mga biktima sang baha.
Nagpanugyan naman ini sa mga pumuluyo nga likawan ang paglagaw bangod madasig ang pagsaka sang tubig kun matudo ang pagbubo sang ulan.
