Ginabanta sang spokesperson sang Bacolod City Police Office nga 30% ang gin-nubo sang mga bisita sang Bacolodiat Festival subong nga tuig kun ipaanggid sang tinalikdan nga tuig.
Sa interview sang Bombo Radyo kay Police Lt. Col. Ariel Pico, ginpahayag sini nga nag-umpisa na kahapon sang hapon ang festival apang diutay lang ang mga bisita.
Suno sa iya, 150 ka mga personnel ang ginpangdeploy kun aga agud masecure ang mga nagkalabilin nga gamit.
Suno sa iya, ginabutang ang pwersa sang kapulisan sa mga panghapon nga aktibidades bangud diri masami nagadamo ang mga events.
Suno sa iya, may yara sang mga pahampang sa Bacolod Government Center kag iban pa gid nga mga events.
Aminado si Pico nga dako ang epekto sang pagsulod sang 2019 Novel Coronavirus Acute Respiratory Disease sa pungsod sa pagdiutay sang mga bisita.
Suno sa iya, bisan ang mga naga-attend sa festival ang nagakahangawa man sa virus.
Sa pagbisita sang Bombo News Team sa atubang sang Bacolod Government Center kaina sang aga, aminado ang pila ka mga manugbaligya nga nagdiutay gid man ang mga nagalagaw subong nga tuig.
Sa pihak sini, temprano pa nahimos ang basura sa BGC bangud nagalibot ang truck sang garbage hauler sa ciudad.
