Ginalauman sang chairman sang Hinigaran Firecrackers and Pyrotechnics Devices Manufacturing, Dealers and Retailers Association Incorporated nga mangin mabakal ang pagbaligyaanay sang firecrackers.
Sa interview sang Bombo Radyo kay Navarro Baylon, sa karun padayon ang ila trabaho para sa preparasyon sa pag-umpisa sa pagbaligya sang mga retailers sa Disyembre 16 tubtob Disyembre 31.
Samtang, ang mga may lisenysa naman sa pagbaligya ang mahimo na nga makabaligya sang firecrackers.
Wala pa man sang bag-o nga mga layi nga ginpagwa ang Philippine National Police angot sa mga palupok.
Panugyan ni Baylon sa mga konsumedor amo nga magbakal sa lehitimo nga mga manufacturer kag retailer kag lantawon ang instruction kun paano gamiton ang firecrackers agud malikawan ang disgrasya.
Dugang pa sini, iya ginalauman nga mangin masanyog ang baligya-anay subong kumpara sang nakaligad nga madutay ang nagbakal bangod man nga dutay ang materyales nga nag-abot kag mahal nga presyo sini.
