Ginakabig sang Negros Occidental Provincial Government nga isolated case ang mga reported nga nagakapatay nga baboy.
Suno kay Negros Occidental Governor Eugenio Jose Bong Lacson, ginalantaw nga rason sang mortality sa mga baboy ang bangud sa weather conditions ukon ang tuman ka init kag hinali nga pagsulod sang tig-ululan.
Suno kay Lacson, ang nagakatabo sa karun ang indi kaangay sa nagakatabo sang ligad nga massive ang nagakapatay nga baboy bangud sa African Swine Fever.
Suno diri nagmando naman ini nga kun mapatay nga baboy ilubong ini dayon.
Naghatag naman ang provincial government sang lime kag disinfectant sa mga hog raisers.
Hugot naman nila nga ginabantayan sa karun ang sitwasyon kag ginahibalo pa kun ano gid ang rason sang mortality sa mga baboy.
