Nagpagwa sang abiso ang Negros Occidental Provincial Veterinary Office nga mangin alerto angot sa nagsaka na naman nga kaso sang African Swine Fever.
Suno kay Provincial Veterinarian Dr. Placida Lemana, nagsaka ang kaso sang ASF sa Batangas bangod sa kontaminado nga tubig gikan sa baha nga tuga sang bagyo Carina sang tinalikdan.
Suno diri, gina-abisohan ang mga hog raisers nga halongan nga indi malab-ot sang baha ang tangkal pananglitan nga may yara sang pag-ulan.
Madumduman nga sadto may pila ka mga local government units ang ginpaidalum sa red category bangod sa kaso sang ASF kag iban ang nanaog na sa pink category matapos nga clear na ang ila area sa nasambit nga balatian.
Apang, sa karun padayon sa gihapon ang pag-ban sang probinsya sa pagpasulod sang pork products gikan sa mga lugar nga may kaso sa gihapon sang ASF, kasubong man nga gina-ban sang pungsod ang pagpasulod sang pork products gikan sa iban nga pungsod nga may narekord nga kaso sang African Swine Fever.
