Liwat nga nagpaandam ang kapulisan sa mga residente kag bisita nga nagasaka sa Bacolod City Lights sa Barangay Alangilan, ilabi na gid kon gab-i, nga likawan gid ang pagtinir sa nasambit nga lugar sa kagab-ihon kag sa madulom nga bahin.
Sa interview sang Bombo Radyo Bacolod kay Police Captain Ramie Sayson, Officer-in-Charge sang Bacolod Police Station 5, nagcoordinate ini sila sa city mobile force nga sila ang magaconduct sang mobile patrol sa takna nga alas-10:00 tubtob alas-12:00 sang kaagahon.
Pahanumdom ni Sayson sa mga nagakadto sa city lights, nga indi na magtinir sa area kun nagadalom na ang kagab-ihon.
Suno diri, apisar makapila na ka beses nagapahanumdom ang kapulisan, may-ara sa gihapon sang nagasaka panaog mga pasado alas-2:00 tubtob las-3:00 sang kaagahon sa nasambit nga bahin sang kaagahon.
Suno diri, nagapaandam man ang Barangay Alangilan kag ang Talisay City Police Station sa mga pumuluyo.
Mensahe ni Sayson, agud malikawan ang insidente nga holdapping, mahimo nga magkadto sa lugar sa mas timprano pa nga oras.
Padayon ang panawagan sang kapulisan ilabi na sang Police Station 5 nga magbinuligay ang komunidad agud mapabilin nga malinong ang lugar kag malikawan ang ano man nga insidente sa masunod nga mga inadlaw.
