Opisyal na nga ginproklamar sang Commission on Elections (COMELEC) Bacolod kaina sang aga ang mga nagdalaog nga mga local candidates sa syudad sang Bacolod.
Antes pa man ang proklamasyon sang mga nagdaog nga mga kandidato ginhulat sang COMELEC nga 100 percent na nga matransmit ang mga election returns.
Alas 08:45 ang takna kaina sang aga nakasulod ang tanan nga election returns sang 450 precints sa syudad.
Ginhulat sang Comelec board of cancvassers ang paggenerate ukon pagprint sang certificate of canvass.
Pasado alas 09:00 ang takna kaina sang aga ginproklamar ang mga nagdalaog nga mga kandidato.
Ini ang gin-umpisahan sa konsehal kun sa diin nagpanguna gikan sa Team Asenso si Thaddy Sayson, nga nakaganar sang boto nga 134,635; ginsundan sang mga incumbent councilors nagikan sa Grupo Progreso nga sanday Israel Salanga, nga may 123,237 votes; Cindy Rojas, nga may 122,629 votes; Em Ang nga nakakuha sang 116,953 votes; Al Espino nga 115,197 votes; samtang si Vladi Gonzalez, may yara sang 113,145 votes; Renecito Novero nga 113,046 votes; Jason Villarosa nga 111,027 votes; Kalaw Puentevella nga 108,950 votes; Simple Distrito nga 107,030 votes; Celia Flor, 103,768 votes kag Pao Sy nga nakakuha sang 98,978 votes.
