Ginproklamar na ang mga local candidate sa ciudad sang Bacolod matapos ang 2025 Midterm Elections kahapon.
Nagdaog bilang alkalde sa ciudad sang Bacolod si outgoing Congressman Greg Gasataya matapos makakuha sang 128,566 votes, samtang 116,500 votes naman ang nakuha ni outgoing Vice Mayor El Cid Familiaran.
Ginproklamar naman bilang Vice Mayor-elec si outgoing Councilor Claudio Jesus “Kalaw” Puentevella matapos makakuha sang 119,412 votes samtang ang iya kasumpong sa pwesto nga si Councilor Renecito Novero ang nakakuha lamang sang 109,263.
Ginproklamar naman bilang Bacolod City Lone District Representative-elect si outgoing Bacolod City Mayor Alfredo “Albee” Benitez.
Si Benitez ang nakakuha sang 134,239 votes, samtang 97,172 votes lamang ang nakuha ni former Bacolod City Mayor Evelio “Bing” Leonardia.
Nakasulod naman bilang Councilor-elects sanday outgoing Punong Barangay Caesar Distrito, sang Barangay Singcang Airport, nga amo ang nakakuha sang pinakamataas nga boto nga 124,926; ginasundan ni Councilor Israel Salanga nga may 122,492 votes; Councilor Em Ang nga may 119,684 votes; Councilor Jude Thadeus “Thaddy” Sayson nga may 118,499 votes; Councilor Jason Villarosa nga may 112,753 votes; Councilor Celia Flor nga may 100,484 votes; Councilor-elect Bobby Rojas nga may 99,176 votes; Wilson “June” Gamboa Jr. nga may 98,721 votes; Councilor Dindo Ramos nga may 98,044 votes; Councilor Pao Sy nga may 97,721 votes; Homer Bais nga may 97,280 votes kag Councilor Al Victor Espino nga may 93,162 votes.
