Ginproklamar na ang mga nagdalala-og nga mga kandidato sa probinsya sang Negros Occidental sa 2025 midterm elections kahapon.
Magapabilin nga gobernador sang Negros Occidental si Incumbent Governor Eugenio ‘Bong’ Lacson matapos liwat ini nga nangin madinalag-on sa 2025 Midterm Elections.
Opisyal nga ginproclamar si Lacson sang Comelec sa pagpanguna ni Provincial Election Supervisor Atty. Ian Lee Ananoria.
Ang gobernador ang nakakuha sang boto nga 911, 614 nga boto kag kaupod man nga ginproklamar ang runningmate sini nga si Joeben Alonso nga nangin madinalag-on man nga nagdaug bilang Vice Governor kag nakakuha sang boto nga 680,339.
Ginproklamar man sanday Board Member Andrew Montelibano kag Atty. Bambi Depasucat, mga tagdaog sa pagka-board member sa 3rd District sang Negros Occidental.
Ginproklamar man si Victorias City Mayor Javier Miguel Benitez bilang 3rd District Representative sang Negros Occidental.
Kaupod sini sa proclamation ang iya iloy nga si Nikki Lopez-Benitez.
Naproklamar naman si Negros Occidental 2nd District Board Member Pal Guanzon para sa iya nga re-election.
Ginproklamar man si Negros Occidental 4th District Congressman-elect kag out going Negros Occidental Governor Jeffrey Ferrer.
Si Ferrer nakakuha sang 130,023 nga boto kontra sa iya kasumpong nga si Lea Delfinado nga nakakuha sang 72,503 nga boto.
Samtang naproklamar man sanday Bago City Mayor Nicholas Yulo kag Paula Alonso, mga tagdaog sa pagka-Board Member sa 4th District sang Negros Occidental.
Duha nalang ka Congressman kag Board Member ang wala maproklamar sang COMELEC sa probinsya sang Negros Occidental.
