Nagdangat na sa 13,519 ang mga nagfile sang Certificate of Candidacy sa duha ka adlaw sang filing period humalin Lunes tubtob Martes gikan sa probinsya sang Negros Occidental, kalakip na ang Bacolod City.
Nahibaluan nga 61 ang mga Barangay sa syudad sang Bacolod samtang may-ara naman sang 601 nga Barangay gikan sa 31 ka banwa kag syudad sa probinsya.
Sa Bacolod City, 51 ang mga nagfile para sa pagpapili bilang Punong Barangay, 447 sa Barangay Kagawad, 51 sa Sangguniang Kabataan Chairman kag 288 sa SK Kagawad para sa Agosto 28 ukon kabug-usan nga 837 ka mga kandidato.
Samtang ikaduha nga adlaw, Agosto 29, may-ara sang 61 nga nagfile para sa Punong Barangay position, 199 sa Barangay Kagawad, 20 sa SK Chairman kag 123 sa SK Kagawad, ukon kabug-usan nga 403.
Samtang 1,240 naman ang nakafile sa ginhugpong nga duha ka adlaw.
Sa Negros Occidental kalakip na sa Bacolod City nga may kabug-usan nga 662 ka Barangay, sa una nga adlaw may-ara sang 507 ka mga nagfile para sa Punong Barangay, 4,254 sa Barangay Kagawad, 505 sa SK Chairman kag 2,763 sa SK Kagawad ukon kabug-usan nga 8,030 applicants.
Ini ang nadugangan sa ikaduha nga adlaw sang 276 sa Punong Barangay, 2,968 sa Barangay Kagawad, 345 sa SK Chairman kag 1,900 sa SK Kagawad ukon kabug-usan nga 5,489 sa ikaduha nga adlaw.
