Nagdoble pa gid ang numero sang mga tawo nga nagpadulong sa St Peter’s Basilica sa Rome, Italy para sa public viewing sa haya ni Pope Francis.
Sa interview sang Bombo Radyo Bacolod kay Jeff Vinas Lagos, Bombo International News Correspondent sa Vatican, naggikan sa nagkalain-lain nga lugar ang mga nagpadulong kag ang pilahay ang tuman na gid kalaba.
Suno diri, halos wala untat ang paglaba sang pila bangod sige-sige ang pag-abot sang mga tawo.
Sa pagsulod may yara pa gid sang pila antes makit-an ang bangkay sang Santo Papa.
Apang, sila ang malabay lamang kag malantaw nga suno kay Lagos sang nakita sini ang Santo Papa indi sini maintindihan ang emosyon nga iya nabatyagan.
Samtang, tuman naman ka hugot sang security didto kag wala ginapahanugotan ang pagkuha sang picture sa bangkay sang Santo Papa.
Ang public viewing ang tubtob na lamang subong nga adlaw kun sa diin bwas na igalubong ang Santo Papa.
