Nagdangat sa 2,052 ka mga pares ang pagakaslon sa Bacolod Mass Wedding sa Bacolod City Government Center kun sa diin ang target 2023 couples lang.
Sa interview sang Bombo Radyo Bacolod kay Atty. Hermilio Pa-oyon, pinuno sang Office of the Civil Registrar sang Bacolod City, gina-finalize pa sang working committee ang mga detalye sang “Officially You & Me sa ’23 with Mayor Albee”, ang mass wedding sa Bacolod City nga iga-officiate ni Mayor Albee Benitez.
Suno kay Paoyon, wala man sang problema kun maglapaw sa target bangud ang importante nalab-ot ang 2023 nga dako.
Dako man ang nangin bulig sang mga barangay agud nga malab-ot ang target nga numero sang mga couples nga pagakaslon.
Suno diri, ang matabo 2,023 plus couples na bangud indi man pwede nga kakson ang sobra bangud nag-agi man ang mga ini sa husto kag nagakaigo nga proseso.
Sang nakaligad nga semana nagtakop na ang registration para sa mass wedding.
Nahibaluan nga ang mass wedding ang patigayunon kuntani sang Pebrero 14 apang ini ang gin-isol sang Marso 3 subong nga tuig agud nga malab-ot ang 2,023 couples nga target kag ang Mass Wedding ang pangunahan ni Bacolod City Mayor Alfredo Benitez.
