Mga nagparehistro para sa Barangay and Sangguniang Kabataan Elections sa Bacolod kag Negros Occidental, nagdangat sa masobra duha ka million suno sa Comelec

Nagdangat sa masobra duha ka million ang registered voters sa probinsya sang Negros Occidental kag syudad sang Bacolod suno sa report sang Commission on Elections-Negros Occidental.

Ang regular voters ang yara sa 2,025,078 matapos ang ginpatigayon nga Election Registration Board hearings sang new voter registrants sang Marso 6.

Ang syudad sang Bacolod ang may pinakamataas nga registrants kun sa diin nagdangat ini sa 341,344.

Sa Sangguniang Kabataan voters ang nagdangat sa 663,455 kag suno sa Comelec ang syudad sang Bacolod man ang may pinakamadamo kun sa diin ini ang nagdangat sa 100,625.

Ang total registrants ang ginalakipan sang 662 ka mga barangays kag 12,487 ka mga voting precints.

Natalana ang Barangay kag SK elections sa October 30,2023.