Ginpasalamatan sang gobernador sang Negros Occidental kaupod ang alkalde sa ciudad sang Bacolod ang pagtambong sang mga miyembro sang Love Negros sa general assembly nga ginpatigayon, kahapon.
Sa interview sang Bombo Radyo Bacolod kay Governor Eugenio Jose “Bong” Lacson, madamo sang mga bag-uhan nga magapili bilang konsehal sa masunod nga election.
Suno kay Lacson, sa madason nga election magapili bilang alkalde sang Valladolid si Valladolid Vice Mayor Roel Yogore samtang bise alkalde naman si Valladolid Mayor Enrique Miravalles.
Opisyal naman nga gin-endorso sang Love Negros ang re-election bid Governor Eugenio Jose “Bong” Lacson kag ni Board Member Jose Benito Alonso bilang running mate sini sa 2025 elections.
Samtang suportado man sang Love Negros ang pagpapili ni Negros Occidental Vice Governor Jeffrey Ferrer bilang representative sang 4rth District sang Negros Occidental.
Suno kay Lacson, maathag man nga ang line-up sa ciudad sang Kabankalan sa idalom sang UNEGA amo sanday Former Kabankalan Mayor Elpedio Zayco kag concurrent Vice Mayor Miguel Zayco para sa 2025 elections.
Samtang kalabanan naman nga incumbent nga alkalde sa idalom sang Love Negros ang magapapili liwat.
Nakita man sang gobernador nga madamo sang mga lamharon ang nagapapili agud nga magpungko sa public office sa Negros Occidental.
