Nakabaton sang pasidungog ang mga Outstanding Bacolodnon kadungang sang selebrasyon sang sang 87th Charter Day kagab-i sa Bacolod City Government Center.
Ang Be The Change Awardees amo ang Calvary Home nga sanday Pastor Joe kag Billie Rosmarino, Russel Gorre, Julius Lorca kag ang Handom Organization nga sanday Daniella Loboriante, Mariella Ferraris, kag Thaddeus Dy.
Nakabaton naman sang Banwahanon Awardees amo sanday Charlie S. Co kag Ian Fred Solas.
Ang mga outstanding Taxpayers sa 2024 naman sa Top Real Property Taxpayers sa individual category amo sanday Jose Antonio Alonte Jr., Stephanie Chiu, Catherine Ong, David Chiu, kag Jacinto Palma.
Sa Corporate category amo ang Coca Cola Beverages Philippines, Inc., Capitol Central Commercial Ventures Corp. – Ayala Malls, San Miguel Brewery Inc., SM Prime Holdings Inc., kag Dynasty Management and Development Corp.
Samtang sa Mayor’s Citation Awardees amo ang Citadines Bacolod, The Father’s Love Ministry, The Monday Group, kag Bach Project Ph.
Sa mga Top Business Taxpayers sa individual category amo sanday Mr. Wilkinson Yu Ong – Wilkilson Construction, Mr. Alvin Chiu Yu – Bacolod Triumph Hardware, Ms. Peggy King Li Kl Coo – KLC Enterprises, Mr. Alvin Gawte Chua – A-A Electrical Supply, kag si Engr. Ramon Aparis Modina Jr. – RM Diabetes Health Options.
Samtang sa Corporate category nakabaton sang award ang Nestle Philippines, Inc., SM Prime Holdings, Inc., Coca Cola Europacific Aboitiz Phils. Inc., AOB Corporation, kag Sucden Philippines Inc.
Ginkilala naman bilang Outstanding Employees 2025 si Lordielyn Joy Pereyra, Social Welfare Officer II sang City Social Services & Development Office kag sa non-supervisory amo sanday Manuelito Calaguing, Construction & Maintenance Foreman sang City Engineer’s Office kag si Dondon Parandas, Community Affairs Assisstant I sang Bacolod City Youth Development.
Sa awarding yara ang presensya ni Negros Occidental Governor Eugenio Jose “Bong” Lacson.
Sa mensahe ni Bacolod City Mayor elect kag Bacolod City Lone District Representative Greg Gasataya, ginpasalamatan sini ang Outstanding Taxpayers sa padayon nga pagsalig sa gobyerno.
Nagpasalig man si Gasataya nga ang buwis ang magabalik paagi sa pagserbisyo sa mga pumuluyo kag pagpromote sang ciudad agud masiguro nga ang mga negosyo sa ciudad ang magsanyog man.
Pangabay sini sa mga Outstanding Employees nga mangin role model sang tanan nga nagatrabaho.
Ginpanginbulahan man sini ang nakabaton sang Be the Change award nga gin-umpisahan sa administrasyon ni Bacolod City Mayor Alfredo “Albee” Benitez.
