Nagdangat sa indi magnubo 4,047 ka mga persona ang nagkalamatay sa sulod sang masobra isa ka tuig nga gyera sa tunga sang Israel kag Hezbollah kun sa diin kalabanan ang bangud sa nagluntad nga escalation sang Setyembre.
Isa ka semana matapos nga nagtake effect ang ceasefire, ginpahayag ni Lebanese Health Minister Firass Abiad nga tubtob sa karun, sila ang nakarekord sang 4,047 ka mga fatalities kag 16,638 ka mga pilason.
Suno kay Abiad, 316 ka mga kabataan kag 790 ka mga kababainhan ang nagkalamatay.
Kalabanan sa mga fatalities ang bangud sa natabo sang Setyembre 15 apang suno diri, posible nga mas mataas pa ang matuod-tuod nga numero bangud sa unrecorded deaths.
Sa bahin naman sang Israel, nareport sang mga otoridad nga indi magnubo sa 82 ka mga suldado kag 47 ka mga sibilyan ang nagkalamatay.
