-- ADVERTISEMENT --
Nagdangat na sa indi magnubo 67 ka mga persona ang nadulaan sang kabuhi lakip na ang 21 ka mga kabataan sa pagbaha sa Texas, USA samtang padayon pa nga ginapangita ang mga kababainhan sa summer camp.
Suno kay Larry Leitha, Kerr County Sheriff sa Texas Hill County, 11 ka mga babaye kag isa ka counselor ang nagapabilin nga missing sa isa ka summer camp malapit sa Guadalupe River, nga hinali lamang nga nagsaka ang tubig matapos ang makusog nga pag-ulan sa central Texas sang Biyernes.
Suno diri, masobra 850 ka mga persona na ang mga narescue kag sa karun indi pa maathag kun pila ang missing.
Nagabulig naman ang United States Coast Guard helicopters kag mga eroplano sa pagpatigayon sang search and rescue efforts.
