Ginhatagan ni Mayor-elect Albee Benitez sang kahigayunan ang mga konsehal sang Team Asenso nga napierde sang May 9 elections nga mangin consultant sang ciudad.
Sa interview sang Bombo Radyo kay anay Board Member Patrick Lacson, siya ang magaserbi bilang Consultant on City Investment and Economic Enterprise.
Samtang, si anay councilor Bart Orola ang mangin consultant naman on Public Market; consultant on Disaster and Management si anay Councilor Homer Bais; kag si Sonya Verdeflor ang mangin consultant on Social Welfare and Child Minding.
Suno kay Lacson, sila ang may office man sa Bacolod Government Center apang indi sila pwede mabayaran sang ciudad bangud santo sa layi, isa pa ka tuig sarang nga makauyat sang position sa gobyerno ang napierde nga kandidato.
Suno diri, sila ang volunteer lamang apang posible nga maghatag si Benitez sang gamay nga allowance nagikan sa iya personal nga kapasidad.
Pagkatapos ang isa ka tuig suno diri, sarang na sila nga makabaton sang sweldo a ciudad.
Suno kay Lacson, siya ang kabahin man sang transition team ni Benitez bilang spectator.
