Nagdangat na sa masobra lima ka libo ang naproseso nga application for registration sa Commission on Elections (COMELEC) sa Negros Occidental.
Ini ang santo sa pinakaulihi nga datos nga ginpagwa sang Commission on Elections – Negros Occidental kahapon, Agosto 3, 2025.
Nagapanguna sa may pinakadamo nga nagparegistro amo ang 6th district nga may yara sang 1,281 application nga naproseso.
Ginsundan sang 5th district nga may 1,052; 3rd district nga may 926; 4th district nga 890; 2nd district nga 766; 1st district nga 689, kag lone legislative district sang Bacolod City nga may 171.
Ang kabug-usan nga narehistro ang yara na sa 5,775.
Sa nasambit nga numero sang registrants, mas madamo ang mga babayi nga nagdangat sa 2,938 samtang ang mga lalaki naman ang yara sa 2,837.
