Amat-amat na nagatukod sang ila mga balay ang mga residente sang Brgy 27, Bacolod City nga apektado sang sunog sang Setyembre 12, 2025.
Sa interview sang Bombo Radyo kay Punong Brgy. Freeman Madalag, kun lantawon lamang madamo sang kwarta ang Brgy 27 bangod ang mga balay nga gintukod human sa semento kag metal cladding apang pigado ang mga tawo bangod wala na sang kwarta nga ipatukod sang ila balay.
Suno diri, wala na sang balay nga human sa light materials kag ang dalan ginpalapad na agud makasulod ang ambulance kag fire trucks inkaso nga may emerhensya.
Dako man ang pagpasalamat sini kay Kabankalan City Mayor Benjie Miranda sa P300,000 nga financial assistance.
Ang kwarta wala sini derekta nga ginhatag sa mga pumuluyo apang ginbakal niya ini sang mga materyales agud ihatag sa mga residente.
Samtang, pabor naman ang mga residente sa pagpalapad sang dalan sa Brgy 27.
Suno kay Alyas Yenyen, iban nagareklamo bangod dako nga area sang ila balay ang nabuhin para mapalapad ang dalan.
Suno diri, bangod sa mga reklamo ginapahanugotan na lang nga mas malapad ang ikaduha nga panalgan sang ila balay basta indi lang makahalit sa dalan.
