Ginpadulungan sang katapo sang Mines and Geosciences Bureau (MGB), Provincial Environment Management Office (PEMO) kag Provincial Disaster Risk and Reduction Management Office (PDRRMO) sang Negros Occidental ang duha ka lugar sa Barangay General Luna sa banwa sang Toboso nga may reported nga pagtiphag sang duta.
Sa interview sang Bombo Radyo Bacolod kay Engineer Hospicious Carbajosa, pinuno sang Municipal Disaster Risk Reduction Management Office (MDRRMO) sa banwa sang Toboso, madamo sang ginakonsiderar ang mga eksperto sang pag-usmod sang duta una may fault line, sahi sang duta, kag paghumok sang duta bangud sang pag-ulan.
Suno kay Carbajosa, wala na nagpadayon ang pag-usmod sang duta nga una na nga ginreport sa bahin sang Sitio Bairan apang ang padayon man ang monitoring sang mga ini kaupod ang MGB sa ginreport nga pag-usmod sang duta sa Sitio Bugho.
Ang pag-usmod ang may kadalumon nga sa 1 foot kag may diameter nga 90ft mas lapad pa sangsa Sitio Bairan.
Gin-abisuhan man nila ang mga residente nga kun may yara sang poste nga amat amat nga maghilay ini ang indikasyon nga may aktibidad ang duta kag dapat gilayon ipahibalo sa ila.
Wala sagihapon ginapa-agyan sa mga estudyante ang nagakatiphag nga duta sa Sitio Bairan para sa safety sang mga ini.
Sa karun padayon ang monitoring sang MDRRMO sang Toboso sa reported nga pag-usmod sang duta sa duha ka Sitio sa Barangay General Luna.
