Maka-avail sang 10 percent discount ang mga business owners sa ciudad sang Bacolod nga magarenew sang ila nga business permits para sa 2025 sang mas temprano.
Suno kay Business Permits and Licensing Office (BPLO) Head Stela Rose Rayos, magaumpisa sila subong nga adlaw, Nobyembre 20 sa pagbaton sang applications para sa advance processing sang business permit renewals.
Gin-athag man nga indi covered sang 10 percent discount ang mga bag-o nga aplikante sang business permits.
Ang incentive para sa early renewal of business permits ang tubtob lamang sa January 20, 2025.
Suno kay Rayos ang paghatag sang nasambit nga discount ang nakasaad sa City Ordinance No. 565,ukon ang Revised Revenue Code of Bacolod City, nga nagacover sang administrative provisions para sa pag-issue sang mayor’s permits.
Ang mga interesado nga business owners nga mag-avail sang discount ang mahimo magbisita sa BPLO sa Bacolod City Government Center, Government Service Express (GSE) kag Bacolod Express Service Office (BESO).
Dugang pa ni Rayos nga humalin sa November 20 tubtob 22, magabaton ang BPLO sang applications sa Gaisano City, Gaisano Grand kag 888 Mall.
Sa November 27, 28 kag 30, yara ang mga ini sa City Mall – Mandalagan, Goldenfields kag Lopues East agud magcater ang early business permit renewals.
