Nagapanawagan ang chairperson sa Committee on Senior Citizen sa Bacolod City Council sa mga etablishimento nga batunon ang mga senior citizen IDs bisan wala sang QR code.
Sa interview sang Bombo Radyo Bacolod kay Councilor Celia Flor, ang mga IDs sang persons with disability (PWD) lamang ang ginrequire nga ibalik agud ma-islan sang may QR-Code bangod sa pagdata sang mga peke nga PWD IDs, kag sila ang ginhatagan sang deadline.
Apisar nga ginapanugyan man sa Senior Citizen nga pabag-uhon ang IDs ini ang indi naman required gani aplikable gihapon ang daan nga ID.
Ang panawagan ang nag-ugat matapos makabatun sang report si Flor nga may mga business establishments kaangay sang mga restaurant, pharmacies kag fast food chains nga wala na nagahonor sang mga Senior Citizen IDs nga wala sang QR Code.
Ginalantaw sang konsehal nga mahimo na misinterpret sang mga negosyo ang mandato ilabi na nga madamo na sa karun ang may bag-o nga IDs.
Apang paathag sini nga indi man mapeke ang Senior Citizen IDs bangod ini ang nakabase sa edad kag may mga supporting documents man nga nagapamatuod.
Ginalantaw man sini ang pagpahimo sang sulat gikan sa Office of the Mayor kag amo ang ipadala para sa mga business establishments.
