Gin-issuehan sang Bacolod City Legal Office sang Notice to Vacate ang mga obstructions sa dalan sang Barangay 16, Bacolod City kag kun indi pa ini makakas sa sulod sang lima ka adlaw, ang ciudad ang magakakas sini.
Sa interview sang Bombo Radyo Bacold kay Punong Barangay Jason Ligaya sang Barangay 16, pabor ini sa road clearing agud nga ang mga estudyante ang indi na madelay bangud may klase na.
Suno kay Ligaya, nakahangop ini nga nagapangabuhi lang man ang mga nagbutang sang tiyangge kag iban pa nga road obstructions apang may yara sang ordinansa nga dapat sundon.
Suno sa Punong Barangay nagapanawagan ini sa mga pumuluyo nga pahagan-haganon na ang mga road obstructions agud nga wala man sang maperwisyo sa tunga sang ila nga pagpangita sang ila nga mga palangabuhian.
