Ginkompirmar ni Vice Mayor El Cid Familiaran nga gintugutan ni Mayor Evelio Leonardia ang pagsaylo sang 28 ka mga Overseas Filipino Workers (OFW) sa tourist inn subong nga adlaw.
Una na nga ginquarantine ang mga ini sa Graciano Lopez Jaena Elementary School.
Suno kay Familiaran, nagpasugot ang alkalde matapos ang konsultasyon kaupod sanday Councilor Renecito Novero, pinuno sang Quarantine Centers Action Team (QCAT) kag Councilor Israel Salanga, pinuno sang Action Team for Returning OFWs (ATRO).
Gin-assist sang City Tourism Office ang OWWA-Bacolod sa pagpangita sang establisyimento nga luyag nga magbaton sang mga OFWs sa mga nabilin nga mga inadlaw sang mandatory quarantine.
Santo sa una na nga gin-apelar sini kag ni Mayor Leonardia, nagcommit si Oversaes Worker Welfare Administration (OWWA) Administrator Hans Leo Cacdac nga sabton ang gasto sa accomodation sang mga ini.
Ginpasalamatan naman ni Leonairdia si Cacdac sa pagbulig sa mga OFWs nga nag-abot sa Bacolod.
Samtang ginpasiguro man ni Cacdac nga buligan sang ahensya ang nag-abot sa Bacolod nga mga Bacolodnons kasubong man ang sa Metro Manila.
Sa karun, natapos naman sang City Health Office ang pagkuha sang swab specimens kahapon sang aga nagikan sa 28 ka mga Overseas Filipino Workers nga ipadala man subong nga adlaw sa testing laboratories.
Padayon naman ang koordinasyon nanday Councilor Salanga kag Councilor Novero sa OWWA, MARINA, Philippine Ports Authority, kag Philippine Coast Guard para sa mga maga-abot nga mga OFWs nga nagikan sa Manila. Samtang, nagpasalamat ang isa sa 28 ka mga overseas Filipino workers nga nakaquarantine sa Graciano Lopez Jaena Elementary School nga igasaylo na sila sa tourist inn samtang padayon sila nga naka-quarantine.
Madumduman nga nag-abot ang mga ini nagikan sa Manila matapos ginpangrepatriate ang mga ini.
Sa interview sang Bombo Radyo Bacolod kay Miss T, ginpahayag sini nga antes pa sila nagpauli halin sa United States, gintest na sila kag nagpaidalom man sa 14-day quarantine.
Suno diri, indi man sila makasakay pauli kun wala nakapaidalom sa nasambit nga proseso.
Nagapasalamat man ini sa Overseas Workers Welfare Adiministration (OWWA) sa pagbulig sa mga ini paagi sa pagshoulder sang accommodation.
Samtang wala man sang nakita nga problema ang tag-iya sang pension house sa Bacolod apang nagakadapat lang nga sundon ang tanan nga protocolos nga ginapatuman agud mangin hilway ang mga pumuluyo sa pag-infect sang COVID-19.
Ang tiniran sang mga repatriates nga seafarers amo ang Saltimboca tourist inn sa 15th Lacson Street, Bacolod City.
Suno kay Punong Barangay Hersey Sibug sang Barangay 17, Bacolod City, indi dapat magkumpyansa.
Ginpasiguro man sini nga mamonitor sang mga ini ang hulag sang mga tawo.
