May yara sang ginapaabot nga mga repatriated Overseas Filipino Workers (OFWS) ang ciudad sang Bacolod subong nga adlaw.
Sa interview sang Bombo Radyo Bacolod kay Councilor Israel Salanga, ang pinuno sang Action Team on Returning OFWs (ATRO), wala pa ini sang specific nga detalye sang mga magaabot nga OFW subong nga adlaw.
Samtang, ginpahayag man sini nga indi problema ang pag-antisipar sa mga ini kag pagtatap sa mga OFW apang ang problema amo nga wala sang nagakaigo nga koordinasyon para makahanda man sila.
Wala man ini nagapugong sa mga OFW nga magpauli apang ginahingyo lamang sini nga may koordinasyon ang mga national government agencies agud makapreparar bangud madamo pa sila sang ginahimo pag-abot sang mga OFWs kaangay sang pagtsekyar sang mga quarantine certificates, PCR test result kag pagpangdisinfect sang mga kagamitan sang mga ini.
Bangud wala sang koordinasyon kag gulpyada nga pag-abot sang OFWs suno kay Salanga, indi makapahuway ang mga drivers, DRRMO, nurses, doctors kag iban pa.
Sa karun nagdangat na sa 232 ang mga nag-abot nga OFW sa ciudad sang Bacolod.
