Nagdangat na sa 88 ka mga Pilipino sa Israel ang nadulaan sang pulay-an kasunod sang ginbuy-an nga missile strike sang Iran.
Sa monitoring sang Phillippine Embassy sa Tel Aviv sa ikawalo nga adlaw sang Operation Rising Lion nga subong nagatinir ang mga na-displace nga Pilipino sa temporary accommodations kalakip na ang mga lapsag sang Hunyo 10.
Nagapadayon naman nga kritikal ang kondisyon sang isa ka Pinay worker nga nakaangkon sang malala kag life-threatening injuries.
Nagpaidalom na ini sa major pulmonary surgery sa Shamir Medical Center nga isa sa pinaka-advance nga ospital sa Israel.
Sa karun, padayon nga yara sa Intensive Care Unit (ICU) ang nasamaran nga Pinay kag kinahanglan liwat nga ipaidalom sa bag-o nga surgery sa oras nga mangin stable na ang iya kondisyon.
Ang isa naman nga naka-angkon sang moderate to serious injuries ang ginpaidalom man sa surgery kag na-discharge na upod ang anom pa ka mga Pilipino nga nasamaran sa pag-igo sang missile strikes sang Iran.
