Natalana nga magabakal ang mga opisina sang gobyerno sa ciudad sang Bacolod sang electric vehicles gamit ang kaugalingon nga pondo sa 2026.
Ini ang kabahin sagihapon sang tikang sang local government agud nga magkinot sa gatong kag pagpasanyog sang energy efficiency sa ciudad.
Sa pahayag ni Bacolod City Mayor Greg Gasataya nga sang tinalikdan pa nga tuig sila nagadiskusyon nga ang pila ka mga departments sa Bacolod City Government ang kinahanglan nga magbakal sang electric vehicles.
Suno kay Gasataya, kalabanan sang mga department heads ang nagpahayag nga dayunon sang mga ini ang pagbakal.
Sa karun ang tagsa ka departamento sa Bacolod City Government ang may mga salakyan apang kinahanglan pa magbook bangud kinahanglan sang gatong antes maglakat kaangay lamang sang Bacolod Environment and Natural Resources Offices, Office of the Building Official kag City Development and Planning Office.
Apang kun makabakal na ang mga ini sang E-vehicles indi na kinahanglan magbook para sa gatong kag mas mahapos na ang paglakat ukon pagtiyog para sa ginapatigayon nga inspection.
