Liwat nga nagpanawagan ang mga opisyales sa Florida sa mga residente nga mag-evacuate samtang nagahilapit ang paglaslas ni Hurricane Milton.
Si Milton ang yara sa Category 4 sang Miyerkules sang aga kag naglaslas sa Tampa Bay area nga ginapuyuan sang masobra 3.3 million ka mga pumuluyo.
Ginmanduan na ang mga pumuluyo sa Tampa Bay area nga mag-evacuate kag nagagamit ang mga counties sang madamo nga pamaagi sang komunikasyon agud mapilit ang mga pumuluyo nga magbiya sa mga vulnerable areas.
Sang Miyerkules sang aga, ang masami nga masako nga interstate padulong sa downtown Tampa ang naghawan.
Suno sa mga forecasters sang National Hurricane Center, si Milton ang ginalauman nga magpabilin nga tuman ka delikado kag major hurricane kun maglab-ot ini sa coast sang Florida.
