Ginabanta yara sa masobra 5000 ka mga opisyal gikan sa politikal nga pamilya ang posible nga makakas sa puwesto sa tion nga mapasar na ang Anti-Political Dynasty bill sa Kamara, ini ang ginpahayag ni Lanao del Sur Representative Zia Alonto Adiong.
Suno kay Adiong, santo sa nahauna nga pagtuon sang Socioeconomic Research Bureau (SERB) sang House of Representatives gamit ang datos naggikan sa Commission on Elections, yara sa 9,852 humalin sa 17,983 lokal nga posisyon (54.8 percent) ang ginauyatan sang mga posible myembro sang political dynasties gikan sa ginabanta 4,239 ka pamilya.
Ginpaathag sang mamalidha nga ang bersyon sang proposal sa House of Representatives ang nagabawal sa dungan nga pagpadalagan ukon pagserbe sang mga magpamilya tubtob sa second degree nga relasyon.
Suno sa mga projection, masobra 5000 ka elective positions ang mahimo mabakante kun ipatuman na ang layi, nga ginalauman magabukas sang mas madamo nga oportunidad para sa mga bag-o nga lider.
