Ginpangunahan naman ni Negros Occidental Governor Eugenio Jose Lacson ang pagpasalamat kay Presidente Ferdinand “Bongbong” Marcos Jr bangud sa ginpanagtag sini nga cash assistance kag iban pa para sa mga mangunguma kag mangingisda sa probinsya sang Negros Occidental.
Suno kay Lacson, ang financial aid kag ang dugang nga mga resources nga ginpanagtag sa mga tuman nga apektado sang El Niño ang dako nga bulig sa mga benepisyaryo kag makahatag sang paglaom sa madamo nga mga Negrense.
Ginpahayag man sang gobernador nga ang probinsya sang Negros Occidental ang maswerte sagihapon apisar sang epekto sang pagbag-o sang klima bangud ang national government ang nakahanda sa pagbulig sa pagpanguna sang presidente nga may yara sang taguipusuon para sa mga mangunguma.
Nagtambong sa ceremonial turn-over sanday Negros Occidental 3rd District Congressman Francisco Benitez, Negros Occidental Fifth District Congressman Dino Yulo, Negros Occidental 6th District Congresswoman Mercedez Alvarez kag si Bacolod City Lone District Gasataya.
Ara man si DSWD Secretary Rex Gatchalian kag iban pa nga department secretaries.
