Kadungan sang ika-84 nga Charter Day celebration sang Bacolod subong nga Hunyo 18, aminado si Bacolod City Mayor Evelio ‘Bing’ Leonardia nga nalampuwasan sang Bacolod ang krisis nga dala sang COVID pandemic.
Ang tema sang Charter Day subong nga tuig amo ang “surviving the crisis, rising above and beyond”.
Sa speech ni Leonardia kadungan sang programa sa Bacolod City Government Center kaina sang aga, ginpahayag sini nga nakasurvive ang Bacolod sa krisis.
Sadtong tunga-tunag sang COVID crisis suno kay Leonardia, ginpanugyanan sini ang mga pumuluyo nga makarecover gid ang Bacolod.
Sa pihak sang pandemic suno sa alkalde, naagom pa sang ciudad ang fastest growth rate kun sa diin gindeklarar ini sang Department of Trade and Industry bilang most competitive city in Visayas.
Antes ang COVID pandemic suno sa chief executive, best performing LGU in the Visayas man ang Bacolod.
Kadungan sang programa, ginpasalamatan sang alkalde ang mga taxpayers ilabi na ang mga negosyante nga nagdala sang dugang nga development para sa Bacolod.
Suno diri, binilyon ang investment sang mga nagapanag-iya sang malls sa Bacolod.
Iya man ginpasalig nga maayo ang kahimtangan sang mga investors sa ciudad.
