Ginpaidalum sa Code White Alert ang mga ospital sa Metro Manila kag malapit nga mga rehiyon humalin Enero 6 tubtob 10, 2025 bilang pag-anticpate sa health emergencies sa tunga sang selebrasyon sang Feast of Jesus Nazareno ukon ang tuigan nga Traslacion.
Suno sa Department of Health, ini agud masiguro nga tanan nga designated medical personnel, equipment kag mga pasilidad sa National Capital Region kag kalapit nga mga rehiyon kaangay sang Central Luzon kag CALABARZON ang nakastandby agud gilayon nga makaresponde sa mga emerhensya ukon related incidents sa ikaayong lawas sa tion sa nasambit nga religious gatherings.
Sang tinalikdan nga tuig, kapin 6.5 million ka mga persona ang nagpartisipar sa Traslacion ukon ang prosesyon sang imahe ni Jesus Nazarene nagikan sa Quirino Granstand padulong sa Quiapo Church suno sa mga opisyales sang simbahan.
Bangud diri, ang DOH ang magacoordinate man sa mga partner agencies kag Local Government sa Manila agud mag-assign sang medical teams kag health stations sa main areas sang Traslacion route lakip na sa Quirino Grandstand, Rizal Park, SM Manila, Ayala Bridge, P. Casal kag Quinta Market.
